Некалькі гадоў таму ў Гродзенскім аддзяленні Саюза пісьменнікаў Беларусі нарадзілася ідэя арганізоўваць патрыятычна-літаратурныя аўтатуры “Пад мірным небам”, пачас якіх за адзін дзень наведваць па тры раёны Гродзенскай вобласці.
23 красавіка пісьменніцкі маршрут быў пракладзены па Гродзенскім, Бераставіцкім і Ваўкавыскім раёнах з нагоды 80-годдзя Перамогі ў Вялікай Айчыннай вайне. У гэты ж дзень святкаваўся Міжнароны дзень кнігі, таму гасцей чакалі чытачы ў бібліятэках.
С самай раніцы гасцінна адчыніла дзверы Скідзельская бібліятэка сямейнага чытання, дзе сабралася шмат вучняў сярэдняй школы №1 г. Скідзеля імя В. Р. Пяшко. Перад імі выступілі старшыня Гродзенскага аддзялення Саюза пісьменнікаў Беларусі Людміла Кебіч, яе намеснік Дзмітрый Радзівончык і член савета гэтай грамадскай суполкі Тамара Мазур. Пісьменнікі прэзентавалі юным скідзельцам свае новыя творы, якія ўвайшлі ў кнігі, выдадзеныя летась да 80-годдзя вызвалення Беларусі ад нямецка-фашысцкіх захопнікаў, а таксама зборнікі паэзі і прозы “Память огненных лет” и “Поле памяти”, прыўрочныя да сёлетняга 9 Мая – дня Вялікай Перамогі.
Слухачоў вельмі уразіў нарыс Дзмітрыя Радзівончыка пра свайго дзеда – ветэрана Вялікай Айчыннай вайны. Гэты твор стаў пераможцам міжнароднага Сіманаўскага літаратурнага конкурсу, а ў аўтарскім прачытанні быў успрыняты як заклік да асэнсавання найвялікшай каштоўнасці – мірнага неба над галавой.
Тамара Мазур адкрыла сакрэт стварэння сваіх вершаў “Вуліцы Герояў” і “Вуліца Міхася Васілька”, якія ўключаныя ва ў яе кнігу для падлеткаў “Скідзель. Алфавітныя прыпынкі ў горадзе-спадарожніку Гродна”, што павінна выйсці ў свет да святкавання Дня Незалежнасці. І прапанавала камусці з юных чытачоў выбраць прыпынак на любую літару алфавіта, з якой пачынаецца назва скідзельскай славутасці ці адметнасці. Адна з дзяўчынак выбрала “Прыпынак К – Кветкі” і прачытала адпаведны верш Тамары Мазур, што вельмі актуальна напярэдадні падрыхтоўкі да юбілейных урачыстасцей.
Людміла Кебіч найбольш кранула сэрцы слухачоў вершам “Я дачка ветрана”, расказала пра дзейнасць пісьменніцкай грамадскай арганізацыі, а напрыканцы запрасіла пачынаючых аўтараў прыязджаць на заняткі “Літшколы”, вучыцца дыскусіраваць у клубе “Словадром” , прысылаць і друкаваць свае літаратурныя творы пад рубрыкай “Зялёны радок” на сайце www.pisateli.by, дзе можна знайці інфармацыю пра літаратурнае жыццё ўсёй Гродзеншчыны.
У Бераставіцкай раённай бібліятэцы рэпертуар выступоўцаў быў адаптаваны перш за ўсё для маладзёжнай адыторыі, якую прадстаўлялі ў асноўным юнакі – навучэнцы Бераставіцкага дзяржаўнага каледжа. Дапоўнілі выступленні прафесійных пісьменнікаў мясцовыя літаратары. Асобна быў праведзены круглы стол з бібліятэкарамі з абмеркаваннем будучых сумесных мерапрыемстваў.
У Ваўкавыску да гасцей з Гродна далучыліся члены Саюза пісьменнікаў Беларусі Віктар Курловіч і Мікалай Іваноўскі, якія жывуць у родных вёсках і адчуваюць моцную падтрымку з боку Ваўкавыскай раённай бібліятэкі. Тут паэты прэзентавалі свае новыя вершы на тэму вайны і міру, не хаваючы эмоцый, што вельмі ўзрушыла самых удзячных слухачоў – студэнтаў Ваўкавыскага педагагічнага каледжа.
Удзельнікі патрыятычна-літаратурнага тура “Пад мірным небам” з ўдзячнасцю падарылі бібліятэкам кнігі са сваімі аўтографамі.
